Gjykata në Kavajë mori vendimin për shtatë adoleshentët, të cilët përdhunuan sistematikisht një 13-vjeçare.

Ngjarja e rëndë ndodhi në fillim të shkurtit të vitit të kaluar në Kavajë dhe sot (1 shkurt 2020), Gjykata mori vendimin për dënimin e 7 të miturve, nga 14-17 vjeç.

Një prej të tyre, sipas dosjeve të siguruara nga Balkanweb, është dënuar me 6 vjet dhe 8 muaj burg, një tjetër me 5 vjet burg, një me 3 vjet e 4 muaj ndërsa katër të fundit me 3 vjet. Ata do të vuajnë dënimin në burgun për të mitur.

Ngjarja shokuese u zbulua rastësisht nga sanitarja e shkollës, e cila njoftoi menjëherë mësuesen kujdestare dhe drejtoreshën. Një javë më vonë, prindërit bënë kallëzimin në polici.

Babai i të miturës deklaroi asokohe për Top Channel se po përgatitej që ta dërgonte vajzën në një nga vendet e Bashkimit Europian.